Samfaraflokkurinn stofnaður

Það held éf verði nú barn í brók þessi trukkaflokkur sem Sturlungur Jónsson, Einar Árnason og Pétur Gislason ætla að stofna. Þá væri nú vitlegra að stofna almennilegann samfaraflokk, fullan af géðslega kátu fólki af öllum kynjum. En framfarasnúinn trukkaflokkur verður aldrei til annars en að hlægja að ... og þó. Framfaraflokkur trukkasturlunganna fer áreiðanlega í vaskinn á sama hátt og Flokkur mannsins og Kvennalistinn.

En fullmektugur Samfaraflokkur mun sópa að sér atkvæðum við næstu kosningar eins og ryksuga ryki.

Stofnfundur Samfaraflokks Íslands verður auglýstur síðar með góðum fyrirvara.

-ALy

Framfaraflokkurinn stofnaður á næstu dögum

Náðargáfa Jóns Bjarnasonar

Gáfaður maður Jón Bjarnason. Firna gáfaður. Og heldur að Gordon Brown sé öfundsjúkur út í íslenska óráðssíuplebba.

Líklega er karlinn orðin ær. 

Hann hefur lengi verið haldin ranghugmyndum, blessaður. Þó er sú sú ranghugmynd hans sýnu stærst sem kemur fram á þann veg að hann heldur að hann sé sósíalisti eða kommúninsti. En ekkert er fjær sanni.

Þó verður að gæta sannmælis þá fjallað er um Jón Bjarnason. Hann býr yfir þeirri öfundverðu náðargáfu að geta talað botnlaust, tímunum saman, um ekki neitt. Og veit sjaldnast sjálfur hvað hann er að tala um. Geri aðrir betur. 

-KK

Brown öfundsjúkur?

Þó allir djöflar að oss veitist

Grátið ekki, segi ég. Grátið ekki.

Þér sjálfstæðismenn, sem tárvotir kvödduð frjálshyggjuna hinstu kveðju í Valhöll í dag, vitið sem er að leik yðar er lokið. Kapítalisminn á Íslandi hefir etið börnin sín með húð og hári á undra fáum dögum. 

En ...

 Nú er ég horfi yfir autt sviðið, hvar frjálhyggjan strauk yður um rjóðar kinnar og kvakaði í eyru yðar ástaróði græðginnar, koma mér í hug orð listaskáldsins góða: "Nú er hún Snorrabúð stekkur. En lyngið á Lögbergi helga, blánar af berjum hvert ár, börnum og hröfnum að leik."

Himinblámi Flokks vors er horfinn. Gráminn hefir tekið völd í hugum vórum. Gráturinn, ekkinn, tárin, eru ein eftir til að sefa oss. Þökkum Drottni fyrir frjálshyggjuna, kapítalismann. Þökkum Drottni einnig fyrir ekkann, því hann mun svæfa yður, þá nóttin hvelfist yfir hús yðar.

En vér, sem erum af húsi og kynþætti Davíðs. Vér munum slá skjaldborg um meistara vorn, föður frjálshyggjunnar á Íslandi. Þó rigni eldi og brennisteini, og allir djöflar veitist að oss í einum kór, munum vér verja fjöregg vort, Davíð Oddsson, til síðasta manns, til síðasta blóðdropa, til enda veraldarinnar.

Guð í hæstum hæðum þerri tár yðar og leiði yður aftur  til einkarekinna banka, óheftra viðskipta og ósvikins gróða. Drottinn blessi yður og vaðveiti þangað til.

Í Guðs friði.

-SrB

Tár felld á flokksráðsfundi

Össur segir sig til sveitar

Með því að segja, að Ísland eigi að sækja um stuðning Alþjóðagjaldeyrissjóðsins, er Össur Skarphéðinsson að lýsa því yfir að Ísland sé gjaldþrota.

Nú er Össur margfrægur af alls konar gaspri og innantómu bulli, svo kenske er ekki meira að marka þessa yfirlýsingu hans fremur en margar aðrar. Við verður minnsta kosti að vona að maðurinn hafi hlaupið á sig hvað þetta varðar og sé bara að vaða sína venulegu steypu.

Að leita á náðir Alþjóðagjaldeyrissjóðsins, er nákvæmlega það sama og þegar einstaklingur segir sig til sveitar. Að segja sig til sveitar er yfirlýsing viðkomandi um að hann geti ekki brauðfætt sig nema með hjálp samfélagsins.

Svo verðru að taka með í reikninginn, að íslenskum krötum hefur alla tíð verið nokkuð í mun að selja sjálfstæði þjóðarinnar fyrir 30 silfurpeninga, eða þaðan af minna. Þráhyggjuskotin málflutningur samfylkingarfólks um að afsala sjálfstæði Íslands í hendur ESB er skýrt dæmi um sjúklega vanmetakennd þessa fólks.

Betur færi ef forystulið Samfylkingarinnar opnaði augun og gerði sér grein fyrir að ekki dugar að sleppa Sjáfstæðisflokknum þegar hreinsa skal fjósflórinn. Það kemur ekki til greina að byggja upp nýtt þjófélag á rústum þess gamla úr efni sem hvergi á annars staðar heima en á mykjuhaunum. 

-ALy

Ísland á að sækja um stuðning

Steingrímur J. verður forsætisráðherra innan skamms

Það er fráleitt að Geir Haarde hafi minnstu hugmynd um hvort mesta hættan sé liðin hjá í efnahagsþrengingum þjóðar vorrar. Geir er auðvitað fullkomlega frjálst að fara með eins margar öfugmælavísur og honum lystir á flokkráðsfundum Sjálfstæðisflokksins. En það hefur hingað til ekki forðað neinum frá að frjósa í hel að míga í skóinn sinn.

Þegar alls er gætt, er ríkisstjórn Geirs Haarde fallin. Því getur enginn mannlegur máttur breytt, hvernig sem að er farið. Kratarnir hafa bitið í sig að ganga milli bols og höfuðs á Davíð í Seðlabankanum. Því getur heldur enginn mannlegur máttur breytt. 

Sjálfstæðismenn munu til síðasta blóðdropa verja sinn mann í Seðlabankanum og greiða Samfylkingunni í leiðinni slík ofurhögg að Samfylkingin mun aldrei komast á lappirnar aftur.

Á meðan þessu fer fram bíður Steingrímur J. bíða í rólegheitunum heima hjá sér eftir að hans tími renni upp. Og Steingrímur J. þarf ekki að bíða lengi. Á þessum tímapunkti renna öll vantsföll til VG. Og mikið má vera ef Steingrímur verður ekki hreinlega orðinn forsætisráðherra áður en langt um líður.

-KK

Mesta hættan liðin hjá

Látum sendinefndina hverfa og snúum okkur til Rússlands

Það ber vel í veiði að sendinefnd breska fjámálaráðuneytisins og Englandsbanka sé stödd í Reykjavík í dag. Það er atburður sem íslenskir ráðamenn verða að nýta til fullnustu.

Undirritaður blaðamaður Foldarinnar telur einsýnt, að ráðamenn okkar sýni nú af sér ráðdeild og dug og láti bresku sendinefndina hverfa eins og jörðin hafi gleypt hana. Breska ríkisstjórnin mun eflaust reka upp mikið ramakvein þegar henni verður ljóst að sendinefnd þeirra horfin og enginn viti um afdrif hennar. Þegar svo er komið tilkynnir Geir Haardi breska starfsbróður sínum að hann verði að senda aðra nefnd til Íslands því sú fyrri sé stungin af.

Út af þessu lítilræði, hvarfi sendinefndarinnar, vakna grunsemdir með bretum og þeir fara að hafa í hótunum við okkur á styrjaldarmáli. En þá mun íslenska ríkisstjórnin dragi nýfengna vináttu okkar við rússa, þá einkum og sér í lagi vináttu Pútins, upp úr pússi sínu og ota henni einarðlega að bretum með góðum orðum um að rússar muni fá að setja upp herstöðvar á Íslandi, eldflaugar og kjarnorkuvopn sem eingum verði beint að Bretlandseyjum. Síðan mun allt fara í gang.

Ef bretarnir leggja ekki niður skottið við að þeim sé hótað með rússagrýlunni verður stríð. Þá mun hin óbilgjara breska þjóð uppskera rauðan belg fyrir gráan. Auðvitað munu Bandaríkin og Holland veita bretum lið því þeir eru svoddan helvískar hengilmænur.

En Ísland mun að lokum standa uppi sem sigurvegari og bretar munu ekki fá eina einustu krónu frá okkur, eins og Davíð sagði.

-KK

Viðræður við sendinefnd Breta

Brown vill ekki erlendar glæpaklíkur á Bretlandi

Í einu orði sagt: Það er ekki annað hægt en að dást að því hvernig Gordon Brown hefur tekið í lurginn á ómerkilegum og sjálfumglöðum íslendingum. Maðurinn virðist staðráðinn í að uppræta íslenskt fjármálaillgresi á breskri grund. Það er ekki hægt að lá honum það.

Á undanförnum misserum hafa ýmsir heimamenn á Íslandi kvartað sáran og haft uppi stór orð um litháískar glæpaklíkur sem hafi komið sér fyrir hér á landi. 

Á sama hátt og við viljum ekki erlendar glæpaklíkur á Íslandi þá vill Brown hinn breski ekki sjá erlendar glæpaklíkur í sínu landi.

Verum nú sjálfum okkur samkvæm og hættum að kóa með okkar óráðsíumönnum og sláumst í lið með Gordon Brown við að uppræta slíkan óþverra.

„Sparkað í liggjandi (Ís)land"

Forkastanleg landráð og óeðli

Við íslendingar erum í sárum. Ábyrg og bjartsýn þjóðfélagsgerð okkar hefur beðið hnekki. Í hugum fólksins blakta svartir fánar við hálfa stöng. Við höfum byggt hér upp nútímaþjóðfélag samkvæmt bestu þjóðfélagskipan sem þekkt er. Á svipstundu hafa útlenskir óráðsíumenn hrifið þetta allt burt frá okkur. Eftir situr hnípin þjóð í vanda.

En þegar mest liggur við að fólk standi saman, faðmi hvert annað, hughreysti, mæli blíðuorð af vör, ganga óþjóðholl úrþvætti fram fyrir skjöldu og hrópa vígorð gegn þeim mönnum sem eru að leiða okkur gegnum brimskaflana. Að hugsa sér að fullorðnir menn skuli hafa vera svo mikil fífl að syngja kommúníska söngva við Selabankan í dag - fyrir framan myndavélar erlendra sjónvarpsstöðva. En í eðli sínu eru svona vinnubrögð fyrst og fremst forkastanleg landráð. Já, landráð eru það og landráð skulu þau heita -  og óeðli. Við erum öll hermi slegin yfir framferði þessa fólks.

Og hvar var lögreglan við þetta tækifæri?

Eflaust hefur hlakkað í ómenninu Gordon Brown þegar hann sá þessi fáránlegu mótmæli í sjónvarpinu hjá sér. Það er heldur ekki á hverjum degi sem menn svíkja þjóð sína og færa óvininum vopn upp í hendurnar.

Og sannið til, Gordon Brown mun nota vitneskju sína um mótmælaaðgerðirnar við Seðlabankann til að berja á íslenskum ráðamönnum við þær afleitu aðstæður sem þeir eru í.

-SvDr

Mótmæli á Arnarhóli vekja athygli

Ódýrt áfengi - ekki áfallahjálp

Hvers konar aðfarir er þessi svo nefnda "áfallahjálp" sem verið er að skvetta framan í illa svikið fólk? Er verið að draga vísvitandi dár að svekktu fólki sem tapað hefur innstæðum sínum í bönkum? Er einhver hemja að afgreiða þjóðfélgsþegnanna eins og þeir séu viti sínu fjær af sorg, eða jafnvel geðveikir?

Áfallahjálp þessi gagnast ef til vill fólki sem misst hefur sína náustu í náttúrhamförum eða slysum. Ekki þeim sem tapað hafa aurum sökum eigin heimsku, látið slóttuga mammonsþjóna narra út úr sér peninga.

Það sem nú þarf að koma til er mög ódýrt áfengi. Það verður að gera þeim sem töpuðu á hlutabréfa- og peningabréfakaupum kleyft að komast yfir eins mikið af ódýru áfengi og þeir geta torgað. Það eru gömul sannindi og ný, að besta ráðið við kröggum, andlegum og líkamlegum, er að neyta víns, drekka sig út úr vandanum.

Ríkið á sem betur fer vínbúðir ÁTVR og getur því, með einu pennastriki, lækkað verð á áfengi. Þegar ég tala um lækkun á víni, á ég við 75-90% lækkun.

Ennig ætti fólk, að undangengnu viðtali við lækni eða sálfræðing, að geta fengið afsláttarkort sem framvísað væri á börum og öðrum vinveitingastöðum.

-ALy

Aleigan í 2 Bónuspokum

Gordon segir Geir að halda kjafti

Eitthvað er hann skuggalegur undirtónninn í bréfi Gordons Brown til Geirs Haarde.

Á milli línanna má lesa annan texta, furðu illskeyttann, sem hljóðar eitthvað á þessa leið: Nú skalt þú, herra Haarde, hafa vit á að grjóthalda kjafti, ellegar skulu þú og landar þínir, íslensku glæpajúðarnir, fá að finna ærlega fyrir því. Ef þið farið að okkar vilja, mótbárulaust, skulum við vera tiltölulega rólegir í tíðinni. Ef ekki, þá skaltu vita að Bretland ræður yfir öflugum árásarher og kjarnorkuvopnum. Við látum ekki ómerkilega þúfutitlinga standa upp í hárinu á okkur fyrir framan alla heimsbyggðina.

Kær kveðja,

Gordon Brown, forsætisráðherra Stóra-Bretlands. 

-KK

Brown sendi Geir Haarde bréf