Kynferðisaafbrotamaður handtekinn með buxurnar á hælunum

Fyrir stundu handtók lögreglan á höfuðborgarsvæðinu kynferðisafbrotamann. Maðurinn var staðinn að verki þar sem hann var að fremja glæp. Hann reyndi að flýja, en komst ekki langt, því hann var með buxurnar á hælunum og voru þær honum fjötur um fót. Fórnarlambið flúði líka en hefur enn ekki fundist, þrátt fyrir talsverða leit. Kynferðisafbrotamaðurinn er þegar kominn í gæsluvarðhald á Litla Hrauni.

Að sögn varðstjóra, hefur lögreglan, um nokkurra mánaða skeið, haft grun um að maðurinn, sem handtekinn var, væri einn þeirra sem stunda að lokka fórnarlömb til sín og fremja á þeim ofbeldisverk. Lögreglan hefur margoft séð hann á ferli í námunda við dvalarheimili aldraðra á höfuðborgarsvæðinu. En svo virðist sem enginn hafi þorað að leggja fram kæru á hendur manninum.

Í máli varðstjórns kom fram, að maðurinn sé ekki á sakaskrá, en hins vegar hafi margir af hans nánustu ættingjum verið dæmdir til fangelsisvistar fyrir ýmis lögbrot. Virðist sem afbrotaeðli sé ættgengt í fjölskyldu hans. 


Óguðlegur kvenprestur til rannsóknar hjá biskupsstofu

Séra Arnbjörg Erla Valdemarsdóttir, prestur á Akureyri, var í dag leyst tímabundið frá embætti, meðan biskubsstofa rannsakar kærumál á hendur henni. Í predikun sinni í gær, varð séra Arnbjörgu Erlu tíðrætt um fegurð "samkynhneygðra hjónabanda" og útmálaði þá tilhögun í smáatriðum. Að lokinni predikun gengu margir kirkjugesta á dyr.

Í morgun barst biskupsstofu kæra frá safnaðarbörnum séra Arnbjargar Erlu, en þau segja að hún hafi með orðum sínum gengið á svig við kenningar kirkjunnar og sært blygðunarkennd þeirra er á hlýddu. "Heilbrigð lífsstefna sé í hættu, ef prestar Þjóðkirkjunnar mæli fyrir ósiðsemi í predikunum, og hvetji til afskræmingar á hjónabandinu. Samkynhneygð stríði á móti lífinu sem Guð gaf okkur, og sé í raun og veru sjúkdómur sem beri að lækna, en ekki að hefja til skýja" segir í niðurlagi kærunnar.


Sæelgur sást á Austurlandi

Fjórir menn frá Eskifirði, sem voru á ferð í Vöðlavík í gærmorgun, gengu fram á ókennilegt dýr sem stóð í fjöruborðinu í dálitlu viki umgirtu klettum á alla vegu. Skepnan var á stærð við hest, skrokkurinn rauðbrúnn með gulum dröfnum á bakinu, ekki ólíkur selsbúk í laginu, hálsinn stuttur og digur en hausinn fremur smár og frammjór. Fætur dýrsins voru langir og beinir, með miklar klær og sundfit á milli klóa. Aftan á dýrinu var langur hali, hærður eins og tagl á hesti. Þegar dýrið varð vart mannaferða, hljóp það í sjóinn og hvarf.

Samkvæmt upplýsingum, sem Foldin fékk frá Náttúrufræðistofnun Íslands, er talið að þarna hafi verið á ferð ,,sæelgur" en það dýr lifir nær eingöngu við austurströnd Afríku, einkum nálægt landamærum Keníu og Tansaníu. Ekki er vitað til að sæelgs hafi orðið vart í Atlandshafi áður.

Fólk frá Náttúrfræðistofnun fór austur í dag til að kanna málið.  


Hundur stórslasaði mann á Vestfjörðum í dag

Í dag, rétt upp úr hádegi, réðist hundur, af svo kallaðri dobermantegund, á mann á Vestfjörðum og stórslasaði hann. Maðurinn var á gangi með 1. árs dóttur sína í barnavagni þegar hundurinn kom aðvífandi, felldi hann í götuna og reyndi að rífa hann á hol. Tvær konur er voru þar skammt frá, skárust í leikinn og vildi þá ekki betur til en hundurinn beit aðra þeirra bæði í upphandlegg og kálfa. Sem betur fer sá maður í næsta húsi hvað verða vildi og hljóp úr með golfkylfu og rotaði hundinn, en þá var maðurinn sem hundurinn réðist upphaflega á búinn að missa meðvitund vegna mikilla blæðinga. Flogið var með hinn slasaða á sjúkrahús í Reykjavík, þar sem hann gekkst undir aðgerð. Honum er nú haldið sofandi á gjörgæsludeild. Um sár konunnar, sem hundurinn beit, var búið á heilsugæslustöðinni á staðnum. Að því loknu fengu báðar konurnar, og börn sem komu að slysstað, áfallahjálp.

Klámrotta fær makleg málagjöld

Fyrir um það bil viku síðan andaðist Robert Winston Gail í borginni Southamton á Englandi, 52 ára að aldri. Lífshlaup Roberts var ein alsherjar sorgarsaga. Hann ólst upp hjá drykkfeldum foreldrum, sem þekkt voru fyrir alskyns glæpi, eins og innbrot, þjófnaði og vændi, bæði tvö.

Robert Winston Gail tók snemma upp lífshætti foreldra sinna. Talið er að hann hafi ekki verið fullra 12 ára þegar hann byrjaði að stunda vændi eins og foreldrar hans. Viðskiptavinirnir voru aðallega karlmenn á mijum aldri og uppúr, oft verkstjórar eða vörubílstjórar. Ennig keyptu einmanna, ráðvilltar konur þjóustu hjá Robert og greiddu honum ríflega fyrir, að sögn.

Snemma leiddist Róbert út í að framleiða saurlifnaðarmyndir, sem hann lék sjálfur sjálfur í, ásamt sínum líkum. Varð hann brátt alræmdur fyrir klámframleiðslu, sem átti sér fá fordæmi, og er þá mikið sagt.

Það var svo um hádegisbil, föstudaginn 19. þessa mánaðar, að hestur, sem Robert átti og notaði við "framleiðslu" sína, sparkaði með öðrum afturfæti sínum í höfuðið á Robert, með þeim afleiðingum að hann beið samstundis bana.

 


Skammarkvikindi bjóða ópíum

Úr því sem komið er þýðir ekkert fyrir gjörspillta ríkisstjórn Geirs og Ingibjargar að troða ópíumvættri dúsu um kjör embættismanna, ráðherra og alþingismanna upp í munninn á almenningi. Þessi skammarkvikindi hafa gert svo illa á hlut fólks með ábyrgðarlausri pólitík, að dúsur af þessu tæi skoðast sem forhert ósvífni af þeirra hálfu.

Það sem á að gera er að sparka svo ærlega í rassgatið á ríkisstjórninni, að hún hrökkvi í tvennt og komist aldrei á lappirnar aftur.  

-ALy


mbl.is Óska eftir launalækkun
Tilkynna um óviðeigandi tengingu við frétt

Leiðinleg hljómsveit tvítug

Sálin hans Jóns, er áreiðanlega á meðal þriggja leiðinlegustu hljómsveita á Íslandi frá upphafi. Væminn flutningur sveitarinnar á enn væmnari lögum hefur verið aðall hennar í 20 ár. Sennilega er vandfundinn á norðurhveli jarðar annar eins óbjóður í skarkala en Sálar-vesalingurinn.

Að útbúa "viðhafnarútgáfu" um Sálina hans Jóns, er mjög ósmekklegt og til háborinnar skammar. Þessi ósnotra hljómsveit er best geymd í innsiglaðri hirslu djúpt nirð´í kjallara gleymskunnar.

-KK


mbl.is Sálin tvítug
Tilkynna um óviðeigandi tengingu við frétt

Grútskítugar naríur af óráðsíumanni

Gáfumennið Guðlaugur Þór Þórðarson, stundum titlaður heilbrigðisráðherra, er lýðræðissinnaður maður. Hann vill ekki kosningar af því að Sjálfstæðisflokkurinn sé að fást við erfið mál sem Flokkurinn sé óhræddur við. Honum varðar ekkert um þó þjóðin vilji sem minnst af Sjálfstæðisflokknum vita, sé raunar komin með algjört ógeð á honum.

Það skulu Guðlaugur Þór og önnur frjálshyggjukvikindi vita, að mikill meirihluti íslensku þjóðarinnar þykir Sjálfstæðisflokkurinn álíka aðlaðandi og grútskítugar nærbuxur af langdrukknum óráðsíumanni.

-ALy


mbl.is Kosningar væru glapræði
Tilkynna um óviðeigandi tengingu við frétt

Hún sem kyssti Haarde og Rice

Í hvert skipti sem ég heyri í Ingbjörgu Sólrúnu nú orðið setur að mér hlátur. Flest, ef ekki allt, sem hún segir eða gerir sem ráðherra ber vott um illa heppnaðann og innihalsdrýrann stjórnmálamann. Jafnaðarmannaforingi sem kyssir og kjassar Haarde og Rice er lítið annað en skemmdarvargur sem virðist hafa einsett sér að koma óorði vinstrimenn og vinstri pólitík. Sama má segja um mörg flokkssystkyni íslenska jafnaðarmannaforingjans.

Framsóknarflokkurinn, sem fram til þessa hefur verið minn flokkur, var með réttu skammaður blóðugum skömmum fyrir undirlægjuhátt gagnvart Sjálfstæðisflokknum. Ekki er auðsveipni Samfylkingarinnar og sleikjuskapur minni en Framsóknar þegar auðhyggja og spilling eiga í hlut.

Það er full ástæða til að vara vinstrisinnað fólk við Samfylkingunni; því þar fer slóttugur auðvaldsúlfur í sauðargæru.

-KK


mbl.is Nauðsynlegt að vera samstiga
Tilkynna um óviðeigandi tengingu við frétt

Góði hættu þessu bulli

Æji, góði Geir Haarde, hættu þessu bulli og farðu að drífa þig suður á Bessastaði að tilkynna Ólafi Ragnari afsögn þína og ríkisstjórnar þinnar.

-ALy


mbl.is Hugmynd forsætisráðherra
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband