Ómeltanlegur Icesavehroði ofan í komandi kynslóðir

Þegar gjöra skal góða veislu er talið nauðsynlegt að fengnir séu til verka lærðir matsveinar sem kunna með veisluföng að fara. Á ríkisstjórnarheimilinu er öðruvísi farið að. Þar elda nautgripafóðurmeistarar IseSavesteikur á sama hátt og blábjánar hunsbelgjarglás með rottuholusaladi. Nú skal eitra fyrir þjóðinni með ómeltanlegrum IceSavehroða og reikningurinn sendur á komandi kynslóðir.

Meðan Ingibjargarhaardið dundar sér við eldavélina, koma bjöggarnir og jónásgeirarnir fram í kastjósin, hver af öðrum, með krókódílatár í augnkrókunum og sverja við allt sem heilagt er, að þeir hafi ekkert af sér gert. Þvert á móti hafi einhverjir andskotar gert þeim svo ljóta glennu að þeir hafi tapað bæði bönkum og skotsilfri.

Það þarf engann að undra þó mikið góðæri ríki um þessar mundir í stétt lífvarða á Íslandi, eða Icesavelandi eins og gárungar í útlöndum kalla landið núorðið.

-ALy

Búist við tilkynningu um IceSave