Skammist ykkar fíflin ykkar

Mér er hulin ráðgáta hverju þetta blessað fólk er alltaf að mótmæla, það hefur aldrei komið fram neinstaðar. Vilja þessir auðnuleysingjar kanske sofétkommúnisma? Vilja þeir að alli séu sárfátækir eins og á Kúbu? Eða halda þeir að nú sé lag til að efna til óeirða, óeirðanna vegna? Mér spurn.

Ekki kæri ég mig um að afgamlir kannabishippar taki völdin af réttkjörnum valdhöfum, valdhöfum sem hafa staðið sig ótrúlega vel við erfiðar aðstæður. 

Skammist ykkar fíflin ykkar!

-SvDr

Tveir mótmælafundir

Athugasemdir

[Dagga (IP-tala skráð) 15.11.2008 kl. 10:02]

Þú ert eitthvað bilaður. Farðu úr landi.

[Blaðamenn Foldarinnar, 15.11.2008 kl. 10:06]

Farðu sjálf úr landi, skitan þín. Það síðast sem Íslendingar þarfnast eru óþjóðlegir vandræðagemsar erins og þú.

[Jack Daniel's, 15.11.2008 kl. 10:06]

Þú ert nú meira sauðheimska fíflið ef þú skilur ekki hverju fólk er að mótmæla.

Þú ert dæmigerð sönnun þess að stundum er betra að þegja og vera álitin heimskur heldur en að tjá sig og taka af allan vafa um að svo sé.

[Berglind Eva Björgvinsdóttir, 15.11.2008 kl. 10:13]

...seinast þegar ég vissi þá eru allir orðnir fátækir og fólk er að missa hús sín og vinnu.. þjóðin skuldar tugi milljarða, er það ekki að mótmæla því? Vegna þeirra ákvarðana sem hafa verið teknar vegna ástandsins og það að það er ekkert búið að vera upplýsa þjóðina hvað er í gangi... Já það hefur ekkert komið í fjölmiðlum, svo mig minnir, hverju fólkið er að mótmæla, það er því sök fjölmiðla ekki fólksins!

Þú ert nú annsi mikil/l til að geta uppnefnað fólk!! En sérð það greinilega ekki vegna stórmennsku þinnar að þú ert fíflið! Mættu á mótmælin og sjáðu sjálf/ur hverju fólkið er að mótmæla, í stað þess að sitja heima og drepast úr gremju og gera eitthvað úr því sem þú greinilega veist ekkert um!!

[Ragnar Böðvarsson (IP-tala skráð) 16.11.2008 kl. 00:39]

Ég held að það geti ekki verið að SvDr meini þetta. Líklega er hann bara að leika sér að því að æsa lesendur síðunnar upp, líka þá sem detta inn á hana af tilviljun eins og ég var að gera! Nei annars, ég ætla ekkert að æsa mig, en má til með að segja frá því að einn sanntrúaður hélt því fram við mig í gærkvöldi að auðkýfingarnir hefðu lagt svo mikið til þjóðfélagsins með sköttum á sínum velmektarárum að nauðsynlegt væri að meta það á móti vandræðunum sem þeir eru að valda okkur núna og ósanngjarnt væri að ásaka þá að ráði og enn síður valdsmennina sem slepptu þeim lausum.

Svo taldi hann víst að gömlu bankarnir ættu svo miklar eignir að byrðar framtíðarinnar yrðu litlar eða engar. Betur að satt væri. Ég gat samt ekki stillt mig um að benda honum á að ég hefði lesið einhvers staðar að ein af eignum Landsbankans í Bretlandi væri 600 milljarða skuldabréf gefið út af nýja Landsbankanum. Er þetta annars ekki rétt? Og ef svo er, hver skyldi þá borga af þessu bréfi?