Kókaínrús og efnamenn

Voru bankamenn í tilfinningarússi? Það er nefnilega það já. "Í tilfinningarússi."

Fyrir skemmstu var mér tjáð, að í gangi væru ljótar sögusagnir um kókanínneyslu efnamanna og yfirstéttarfóks. Ekki vil ég trúa sögusögnum af þessu tagi að óreyndu því það getur varla verið að vel settir einstaklingar noti ólögleg vímuefni til að komast í rús.

Ég þakka almættinu fyrir að bankamenn voru einungis í tilfinningarúsi í morgun. Ekki í kókaínvímu. Það hefði verið forkastanlegt.

-SrB

Bankamenn í tilfinningarússi

Samansafn glæpajúða og illræðismanna

Það er algjör óþarfi fyrir Geir Haarde að væla undan viðbrögðum Gordons Brown og annarra breta í garð íslenskra peningaþrjóta. Ég er hræddur um að það hefði hvinið í tálknunum á íslendingum ef óprúttnir englendingar hefðu stundað sömu iðju hérlendis og útrásarmennirnir íslensku lögðu stund á erlendis.

Það þarf enginn að vera undrandi á því að fólk á Bretlandi og annarsstaðar í heiminum líti á íslendinga sem samansafn glæpajúða eftir það sem á undan er gengið. Orðspor Íslands hefur beðið ótrúlegan hnekki meðal þjóðanna. Og það verður eflaust langt þangað til okkar litla þjóð fær uppreisn æru á erlendum vettvangi. 

Svo heimtar forsætisráðherra og aðrir auðvaldsdindlar linnulaust, að fólk leiti ekki að sökudólgum, rétt eins og það sé engum að kenna hvernig komið er.

Það hefur hingað til ekki staðið á valdstjórninni að setja Lalla Johns og aðra af hans sauðarhúsi í fangelsi fyrir smáhnupl. En þegar kemur að raunverulegum ræningjum og pólitískum óbótamönnum, þá er fólki sagt að líta ekki í baksýnisspeglana, mæna bara glyrnum sínum fram á við - og fram hjá glæpsamlegri framgöngu illvirkja sem steypt hafa þjóðinni í glötun.

 -ALy 

	Brown gekk allt of langt
Ábyrgðarmaður færslu Tenging við þessa frétt hefur verið rofin vegna kvartana.

House of Baugur snúið úr hálsliðnum

Fram yfir síðustu stundu héldu bankmeistarar íslenska bankagaldursins því farm, að "þeirra banki" stæði afburða vel, enginn brotsjór gæti grandað þeim, allt væri eins og best væri á kosið. Samt hlunkuðust þeir á hliðina, einn af öðrum, brestrípaðir og trausti og fjármagni rúnir.

Sömu örlög bíða Baugs. Hann verður snúinn úr hálsliðnum eins og ljótur andarungi. 

Það vinnur enginn sitt dauðastríð. Ekki einu sinni útrásarrisar frá Íslandi. Ekki heldur kvótaþjófarnir.

Bráðum búum við í hér um bil siðmenntuðu þjóðfélagi. Það er einmitt það góða við efnahags,- frjálshyggju,- og útrásarhrunið. Þetta er nefnilega gott hrun.

-ALy

Baugur: Engin áhrif á starfsemina

Bljúgur og undirgefinn með sperileggsáráttu

Það held ég sendiherra breta hafi hlegið þegar Össur Skarphéðinsson gerði tilraun til að veita honum ofanígjöf vegna talanda Brown forsætisráðherra um íslendinga í gær. Reyndar hefur blaðamaður Foldarinnar undir höndum heimildir þess efnis að það hafi verið sendiherra breta sem veitti Össuri einarða ráðningu, en ekki öfugt.

Fundurinn byrjaði að sönnu ágætlega. En þegar Össur hugðist hella sér yfir sendiherrann, hóf sá breski gagnárás, sem var svo heiftarleg, að innan fimm mínútna var Össur oðinn eins og barin lúpa, bljúgur og undirgefinn andspænis fulltrúa Breska heimsveldisins, og sperrilegsárátta hans á bak og burt eins og hún hefði aldrei verið til staðar.

Eftir fundinn kom Össur valhoppandi út úr fundarherberginu og sagði sigri hrósandi við nærstadda: "Sáu þið hvernig ég tók hann!."

Sendiherra breta sagði á hinn bóginn, að það væri merkilegt hvað ráðherrar þjóðar sem Bretland hefði orðið að beita hryjuverkalögum væru skelfilega innantómir. Nær væri að nota leikskólaregluverk á svona kóna en hryðjuverkalög. Það væri í raun dálítið ósmekklegt að skjóta músarrindla og þúfutittlinga með fallbyssum. En stundum væri bara ekki annað í stöðunni. 

-ALy

Sendiherra kallaður á fund

Ísland að þróast til kommúnisma

Á götum úti, á mannamótum og í fjölskylduboðum veltir fólk nú fyrir sér hvað sé að gerast á Íslandi. Eftir áralangt frjálsræði atvinnlífs og fjármagns, mikin kaupmátt og almenna velmegun er engu líkara en verið sé að koma á kommúnisma á Íslandi.

Frjáls fjármálastarfsemi streymir nú eins og straumþungt fljót í ríkisrekstur og þjóðnýtingu. Í kjöfarið mun frjáls atvinnustarfsemi lenda undir járnhæl kommúnískra ríkisafskipta. 

Í kjöfar brotthvarfs Framsóknarflokksins úr ríkisstjórn vorið 2007 hefur allt farið á verri og verri veg. Nú segja menn fullir iðrunar: enginn veit hvað átt hefur fyrr en misst hefur. Að missa Framsóknarflokkinn úr ríkisstjórn er nú að draga þungan dilk á eftir sér. Þegar Framsókn hvarf frá völdum er eins og kommúnistarnir í Sjálfstæðisflokknum og Samfylkingunni hafi gefið sér lausan taumin, sett allt á hvolf með aðgerðaleysi og óvarlegu og móðgandi orðbragði í garð vinaþjóða okkar.

Það var heldur ekki von á góðu þegar félagarnir Davíð Oddsson og Össur Skarphéðinsson náðu loks að læsa saman klónum. Þessir kauðar eru, báðir tveir, hættulegir alræðissinnar, kommúnistar.

 -KK

Nýi Landsbanki tekur við

Sú var ógæfa Sjálfstæðisflokksins

Sú var ógæfa Sjálfstæðisflokksins að lenda í slagtogi með Framsóknarflokknum árið 1995 og stunda þann vonda félagsskap þar til fyrir rúmu ári síðan. En þá var líka of seint að snúa við; framsóknaróværan hafði heltekið þjóðarlíkamann, gert hann að fárveikum sjúklingi.

Upp úr vinskap Sjálfstæðisflokksins við Framsókn spruttu upp snarvöndlar og gorkúlur eins og Finnur Ingólfsson, Ólafur Ólafsson í Samskip, Siguður Einarsson í Kaupþingi og Björn Ingi Hrafnsson, svo einhverjir séu nefdir, og eyðilögðu þá góðu frjálshyggjustjórnmálastefnu sem Davíð Oddsson hafði lagt grunninn að með krötunum.

Það dylst engum, sem þekkir til innan Sjálfstæðisflokksins, að Halldór Ásgrímsson og hans hjörð, hafði afar slæm áhrif á Davíð Oddsson og ruglaði hann í ríminu. Fór svo að lokum að Davíð varð að yfirgefa ríkisstjórnina og flytja sig yfir í Seðlabankann til að ná áttum sem og vopnum sínum.

Eftirmaður Davíðs á formannsstóli Sjálfstæðisflokksins er dula, svo mikil dula og liðleskja sem mest má vera. Og sennilega framsóknarmaður í þokkabót. Það er að minnsta kosti eitthvað að manninum.

Nú má Davíð Oddsson sitja undir ámæli allrahanda undimálsmanna, úrþvætta og fáráðlinga, sem telja sig þess umkomna að fara fram á að Davíð verði rekinn úr Seðlabankanum. Kveður svo rammt að þessum óþverra, að jafnvel framsóknarmenn með þroskabrest leyfa sér að bera landráð og föðurlandssvik upp á þann mann, Davíð Oddsson, sem ann þjóð sinni meir en nokkur annar Íslendingur. Það verður að stoppa þau skammarkvikindi af, sem nota frelsi sitt til að ganga laus, til að sverta og svívirða albesta fólk þóðarinnar.

Í Guðs friði.

-SrB

Talar ekki um Davíð

Dagur gleði og fögnuðar

Það önduðu margir léttar á miðnætti í nótt þegar ljóst varð að glærfraflokkurinn Kaupþing hafði lotið í gras vegna eigin óráðsíu og siðvillu. Þar með voru bankaskrímslin þrjú á Íslandi dauð, sem betur fer.

Við munum öll hina innilegu gleði frjálshyggjupúkanna í Sjálfstæðis- og Framsóknarflokki þegar þeir færðu sínum útvöldu Landsbankann og Búnaðarbankann að gjöf. Þá var nú gleði og og geislandi hlátur sem bergmálar enn. Og útrásardátarnir voru ferðbúnir og létu úr höfn. Við það tækifæri stóðu Davíðs Oddssonar og Halldórs Ágrímssonar sem báðu hina hugrökku frjálshyggjuhermenn fyrir kveðjur sínar og Íslands suður um höfin. 

En skjótt skipast veður í lofti. Eftir glæsilega sigurgöngu útrásar- og frjálhyggjuhersins var flota auðvaldsins á Íslandi sökkt. En það sem einhverjum kann að þykja merkilegt, er að þessi snautlegi skipstapi er alþýðunni á Íslandi sérstakt gleðienfi og það langþráð gleðiefni.

Nú eru dagar félagshyggju á Íslandi upprunnir - frjálshyggjan er dauð og Sjálfstæðisflokkurinn líka. Og ekki má gleyma garminum honum Katli, því Framsókarflokkurinn er auðvitað dauður líka.

Hann Þórður er dauður! Það fór vel. Loff Malakoff.

Við kryfjum hann, þann húðarsel. Loff Malakoff ... 

-ALy

Mjög óvinveitt aðgerð

Persónulegt happ

Mánaðarritlingurinn "Séð og heyrt" er tvímælalaust sóðalegasta rit sem gefið er út á Íslandi. Í því blaði er spilað á syndsamlegar hvatir fólks eins og forvitni, gægjusýki, hégóm og kynlífsfíkn, svo eitthvað sé nefnt.

Það vekur því sanna gleði að ritstjóri slíks sorablaðs skuli, af Hæstarétti Íslands, vera dæmdur til fjársektar upp á 500 þúsund krónur og að orð hans í garð saklausrar konu séu dauð og ómerk. Enda eru þeir menn ómerkir sem standa að bölvun eins og "Séð og Heyrt."

Í eins tíð kom þó út snepill sem var að sönnu hálfu verri en hi ómerka "Séð og heyrt", en þar á ég vitaskuld við það gerspillta klámblað "Bleikt og blátt." Í því blaði var lögð, eins og menn muna, sérstök rækt við öfuguggaskap af því tagi sem engin orð fá lýst til fullnustu.

Ég tel það til mikils persónulegs happs, að hafa átt drjúgan þátt í að koma "Bleiku og bláu" fyrir kattarnef á sínum tíma. Það tók mikið á því Djöflinum var mikið kappsmál að verja þetta afkvæmi sitt. En með sönnum Guðs innblæstri tókst að kveða sæði Satans niður fyrir fullt og allt í það sinn.

Og vonandi fer og þannig með "Séð og heyrt" innan tíðar.

Í Guðs friði.

-SrB

Ummæli í Séð&heyrt ómerkt

Palin fellur fráleitt í áliti hjá þjóð sinni

Það er algjörlega fráleitt að hákristin kona eins og Sara Palin geti fallið í áliti hjá kristinni þjóð eins og bandaríkjamönnum.

Sara Palin er að sönnu hákristin og hefur í heiðri öll þau kristnu lífsgildi sem eina konu geta prýtt. Og að sönnu er hún hægri sinnuð eins og Jesús Kristur var og er. Hún er sem sagt glæsilegur fulltrúi frelsis og manngæsku og sem slík í fremstu röð í hinum lýðfrjálsa heimi.

Í Guðs friði.

-SrB

Palin fellur í áliti

Davíð er í þann veginn að reka Samfylkinguna úr ríkisstjórn

Þó hart sé á dalnum í efnahagslífinu og ástandið eigi ef til vill eftir að harðna enn meir, er þó engin ástæða til að örvænta. Það er til dæmis góðs viti, að Davíð Oddsson hefur tekið völdin í sínar hendur. Ef Davíð tekst ekki hagræða seglum þjóðarskútunnar getur það enginn.

Eftir því sem fregnir herma, og það eru nokkuð áreiðanlegar fregnir, þá mun Davíð vera orðinn ákveðinn í að reka Samfylkinguna úr ríkisstjórn og taka Vinstrihreyfingurna grænt framboð og Kristinn H. Gunnarsson inn í ríkisstjórnina í staðinn. Davíð veit ag gamalli reynslu, að í svona málum verður að hafa snör handtök enda segja þeir sem gerst vita að ofangreind flokkaskipti séu komin mun lengra á rekspöl en nokkurn utanað komandi grunar.

Það vakti athygli um helgina að Davíð hafði Samfylkinguna að engu með í ráðum þegar hann tók Glitni banka hf traustataki til að bjarga samfélaaginu frá hruni. Það segir sína sögu, þegar viðskiptaráðherra ríkisstjórnarinnar er haldið utan við svo veigamikla aðgerð sem Glitnistakan er.

En það verður dásamlegt að losna við Samfylkinguna úr ríkisstjórn, því sannast sagna er Samfylkingin líklegast lang linasti, lélegasti og ráðalausasti stjórnmálaflokkur sem starfræktur hefur verið á Íslandi fyrr og síðar.

-FrI

Krónan á enn eftir að veikjast