Steingrímur J. verður forsætisráðherra innan skamms

Það er fráleitt að Geir Haarde hafi minnstu hugmynd um hvort mesta hættan sé liðin hjá í efnahagsþrengingum þjóðar vorrar. Geir er auðvitað fullkomlega frjálst að fara með eins margar öfugmælavísur og honum lystir á flokkráðsfundum Sjálfstæðisflokksins. En það hefur hingað til ekki forðað neinum frá að frjósa í hel að míga í skóinn sinn.

Þegar alls er gætt, er ríkisstjórn Geirs Haarde fallin. Því getur enginn mannlegur máttur breytt, hvernig sem að er farið. Kratarnir hafa bitið í sig að ganga milli bols og höfuðs á Davíð í Seðlabankanum. Því getur heldur enginn mannlegur máttur breytt. 

Sjálfstæðismenn munu til síðasta blóðdropa verja sinn mann í Seðlabankanum og greiða Samfylkingunni í leiðinni slík ofurhögg að Samfylkingin mun aldrei komast á lappirnar aftur.

Á meðan þessu fer fram bíður Steingrímur J. bíða í rólegheitunum heima hjá sér eftir að hans tími renni upp. Og Steingrímur J. þarf ekki að bíða lengi. Á þessum tímapunkti renna öll vantsföll til VG. Og mikið má vera ef Steingrímur verður ekki hreinlega orðinn forsætisráðherra áður en langt um líður.

-KK

Mesta hættan liðin hjá

Athugasemdir

[corvus corax, 11.10.2008 kl. 11:51]

Gott ef satt er. Steingrímur J. forsætisráðherra? Já og löngu kominn tími til að láta hann spreyta sig. Það verður þá fullreynt hvort einhvers staðar leynast enn heilindi meðal íslenskra stjórnmálamanna. Skyldi Steingrímur þora að afnema forréttindalífeyrisþjófnað stjórnmálamanna og láta það virka afturvirkt eða þannig að þá áunnin réttindi til þjófnaðarins bitni af fullum þunga á glæpakvikindinu Ceaucescu Oddssyni og hans nótum? Skyldi Steingrímur þora að elta uppi glæpalýðinn sem hefur látið greipar sópa um almannfé í bönkum, hjá ríkinu og í skjóli skipulagðrar glæpastarfsemi eins og olíufélögum, tryggingafélögum og alls konar lágvöruverslana keðjuflækjum? Ef Steingrímur J. Sigfússon þorir í þann dans skal ég dansa með honum og drífa alla þá með í dansinn sem í mínu valdi stendur. Ef Steingrímur þorir hins vegar ekki í þann dans er besta að hann láti þjóðina vita það skýrt og klárt strax.

[nonni (IP-tala skráð) 11.10.2008 kl. 11:54]

Guð forði landinu frá því. Þá fyrst myndu vandræðin verða langvarandi.

[Marinó Muggur (IP-tala skráð) 11.10.2008 kl. 13:16]

Hægrihreyfinginn hefur státað sig á uppgangi síðustu ára, sagt það aðal ástæðu fyrir því að fólk skuli kjósa sig, en á meðan öllum þessum uppgangi stóð, fylgdust þeir ekki með, höfðu enga stjórn á ástandinu, ein og að sippa í frímínútum með bundið fyrir augun. Að lokum kolféllu þeir allir saman, en kenndu auðvitað fyrst kennaranum fyrir að senda þá út í frímínútur og síðan þeim sem snéru reipinu. VG væri því ekki það versta sem kæmi hér fyrir land og þjóð, það versta hefur þegar komið, ótakmarkaður ágangur kapitalismans sem að lokum í græðgi sinni át sjálfan sig

[Jón Ingi Cæsarsson, 11.10.2008 kl. 23:08]

Hættan liðin hjá...segir Geir. Það væru sannarleg öfugmæli en hætta væri á að Steingrímur J yrði forsætisráðherra... þá væri fyrst hætta á ferðum.

[Blaðamenn Foldarinnar, 11.10.2008 kl. 23:23]

Tek sannarlega undir með þér, Jón Ingi.

-KK

[Friðrik Björgvinsson, 12.10.2008 kl. 15:04]

Það væri alveg makalaust ef núverandi stjórnvöld hraklast frá völdum vegna ástandsins en það væri alveg jafn mikil ástæða til að halda skútunni á floti að mynda þjóðstjórn til að koma í veg fyrir kostningar ofaní ástandið.

Þetta efnahagshrun verður að sjálfsögðu kosningamál næstu kosninga en áður þarf að vera komin í ljós þráðurinn í hruninu, ég vill benda á skýrslu sem var stungið undir borð í janúar á þessu ári og þótti of viðkvæm til að komast í umræðuna, þar eru nokkrir hausar sem þurfa að fjúka sem ábyrgðaraðilar.

Það er smáatriði sem mig langar að koma á framfæri sem varðar útrásardrengina okkar, íslenskir aðilar eru eigendur af 60% af veiðiheimildum ESB í norður Atlandshafi, það er því ekki skrítið að ESB sé farið að skoða sjávarútvegsstefnu sína með það að leiðarljósi að skoða íslenska módelið.

Það er of mikið af því hér á þessari síðu að menn eru bara á móti án þess að vera með sleggjudóma þá vantar lausnir en ekki mótmæli og upphrópanir.

FB..